Almennur opnunartími alla virka daga frá kl.  08 - 18

Hjúkrunarþjónusta

Á stöðinni starfa níu hjúkrunarfræðingar og þar af tveir sem einnig eru ljósmæður. Hjá þeim er hægt  að panta tíma eftir þörfum og fá upplýsingar í síma um hin ýmsu efni. Hjúkrunarfræðingar sjá m.a. um sáraskiptingar, blóðþrýstingseftirlit, taka hjartalínurit og lungnamælingar (spirometria). Þeir veita ráðgjöf og hægt er að panta tíma í sykursýkismóttöku, reykleysismeðferð og lífstílsmóttöku. Hjúkrunarfræðingar sjá einnig um ferðamannabólusetningar og aðrar bólusetningar, sprautugjafir, gefa upplýsingar um lyf og aukaverkanir og almenna ráðgjöf. Auk þess veita þeir ráðgjöf um mæðravernd, ungbarnavernd og heilsuvernd eldri borgara.

Móttökuritarar taka við skilaboðum og hjúkrunarfræðingar hringja til baka.

Hjúkrunarfræðingar á stöðinni starfa við:

  • Meðgönguvernd
  • Ungbarnavernd
  • Skólaheilsugæslu
  • Heilsuvernd eldri borgara
  • Hjúkrunarmóttöku
    • Hjúkrunarmóttaka er veitt alla virka daga frá kl. 08-16. Hjúkrunarfræðingur veitir faglega ráðgjöf og leiðbeiningar. Hjúkrunarfræðingar vinna í nánu samstarfi við lækna stöðvarinnar.

Í hjúkrunarmóttöku er m.a. veitt eftirfarandi þjónusta:

  • Ráðgjöf
  • Smáslysaþjónusta
  • Sárameðferð
  • Saumatökur
  • Sprautugjafir og ónæmisaðgerðir
  • Ferðamannabólusetningar og fræðsla fyrir ferðamenn
  • Blóðþrýstingseftirlit
  • Hjartalínurit
  • Blóðsykur- og blóðfitumælingar
  • Lungnamælingar (spirometria)
  • og ráðgjöf í reykleysismeðferð (sjá nánar hér að neðan)

Reykleysismeðferð

Um er að ræða einstaklingsviðtöl í allt að fimm skipti fyrir þá sem vilja hætta að reykja. Tímapantanir eru alla virka daga frá kl. 8-16 í síma 590 3900. Megin áhersla meðferðarinnar felst í stuðningi við reykleysi, mati á vilja til að hætta að reykja, mati á reykingarfíkn, aðstoð við að takast á við möguleg fráhvarfseinkenni og fræðslu varðandi lyfjameðferð með eða án nikótíns.

Stuðst er við bæklinginn Hættu fyrir lífið sem gefinn er út af Lýðheilsustöð, Krabbameinsfélaginu og Landspítala Háskólasjúkrahúsi. Umsjón hefur Þorgerður Einarsdóttir, hjúkrunarfræðingur.

Við viljum einnig minna á ráðgjöf í reykbindindi, símaþjónustu fyrir fólk sem vill hætta að nota tóbak. Síminn er 800-6030.

Áhugaverðir tenglar:

 

Hvar erum við?

Heilsugæslan Salahverfi
Salavegi 2 - 201 Kópavogi
Sími
590 3900
Almennur opnunartími frá 08 - 18