Almennur opnunartími alla virka daga frá kl.  08 - 18

HAM námskeið

 

Námskeið um hugræna atferlismeðferð

  • Heilsugæslan í Salahverfi stendur reglulega fyrir námskeiði um hugræna atferlismeðferð. Leiðbeinandi er Íris Stefánsdóttir sálfræðingur heilsugæslustöðvarinnar.

 

  • Námskeiðið er haldið í samstarfi við Geðsvið Landspítala Háskólasjúkrahús og heitir „Mér líður eins og ég hugsa“. Það er samið af sálfræðingunum Pétri Tyrfingssyni og Agnesi Agnarsdóttur.

 

  • Rannsóknir hafa sýnt fram á árangur hugrænnar atferlismeðferð við margskonar sálarmeinum eins og kvíða, þunglyndi, áfengis – og vímuefnavanda, neikvæðu sjálfsmati, áfallastreitu, svo eitthvað sé nefnt.

 

  • Á námskeiðinu er farið í undirstöðuatriði hugrænnar atferlismeðferðar og hvernig hægt er að hafa áhrif á líðan með því að grípa inn í sjálfvirk mynstur neikvæðra hugsana og óhjálplegra viðbragða.

 

  • Námskeiðið er fyrst og fremst hugsað sem fræðsla og gagnast best þeim sem glíma við vægan til miðlungsalvarlegan kvíða – eða depurðarvanda.

 

  • Næsta námskeið hefst 20. febrúar 2020 og lýkur 18.mars. Um er að ræða sex vikulega tíma sem eru tvær klukkustundir í senn. Tímarnir eru á miðvikudögum frá kl.13.30 og standa til kl.15.30, í fundarsal heilsugæslunnar í Salahverfi.
  • Mikilvægt er að hafa í huga að námskeiðið felur í sér skuldbindingu um að mæta í alla tíma, taka virkan þátt, gera heimaverkefni milli allra tíma.

 

  • Skráning á námskeiðið fer fram í gegnum heimilislækna, hjúkrunarfræðinga og ljósmæður heilsugæslunnar í Salahverfi.

 

  • Fjöldi þátttakenda á hverju námskeiði er á bilinu 10 til 12.

 

  • Þátttakendur greiða 1800 króna komugjald fyrir hvern námskeiðstíma.

 

 

Hvar erum við?

Heilsugæslan Salahverfi
Salavegi 2 - 201 Kópavogi
Sími
590 3900
Almennur opnunartími frá 08 - 18