Opnunartími frá 08 - 17


Vinsamlegast kynnið ykkur nýjustu fréttir vegna COVID-19 veirunnar – fréttirnar eru uppfærðar reglulega. Fara á vef Landlæknisembættisins
 

DAGSKRÁ BÓLUSETNINGA - VIKUR 29-34

Nú er fjöldabólusetningum lokið í bili á höfuðborgarsvæðinu og sumarleyfi hafin.

Næstu vikur verður bólusett eftir þörfum á Suðurlandsbraut 34. Bólusett er alla virka daga kl. 14 stundvíslega. Fólk getur mætt þangað til að fá bólusetningu með Janssen eða Pfizer. 

Þetta á ekki við um börn 12 -15 ára nema í sérstökum tilvikum. Til dæmis ef fólk er að flytja erlendis eða börnin eru með áhættuþætti m.t.t. alvarlegra veikinda vegna COVID-19. Sóttvarnalæknir mælir ekki með almennum bólusetningum hraustra barna 12-15 ára við COVID-19 að svo stöddu. 

Ef nánari upplýsinga er þörf má hafa samband við netspjall á heilsuvera.is. Netspjallið er opið á milli kl. 8 og 22 alla daga. 

 

Vika 33 (16. til 20. ágúst)

Í kringum 17. ágúst (staðfest síðar) verður Pfizer endurbólusetning á Suðurlandsbraut 34. Þetta verður síðasta miðlæga fjöldabólusetningin.

 

Vika 34 og áfram (frá 23. ágúst )

Í haust er líklegt að fólk geti pantað að vera bólusett á sinni heilsugæslustöð. Líklegt er að Janssen og Pfizer verði í boði.

Foreldrar munu geta óskað eftir bólusetningu 12- 15 ára barna sinna eftir sumarleyfi heilsugæslu (staðfest síðar).

Þetta verður kynnt vel þegar þar að kemur.

 

Hvar erum við?

Heilsugæslan Salahverfi
Salavegi 2 - 201 Kópavogi
Sími
590 3900
Almennur opnunartími frá 08 - 17