Opnunartími frá 08 - 17


Vinsamlegast kynnið ykkur nýjustu fréttir vegna COVID-19 veirunnar – fréttirnar eru uppfærðar reglulega. Fara á vef Landlæknisembættisins
 

Yfirlit yfir COVID-19 próf eftir tilefnum sýnatöku

Hér er yfirlit yfir COVID-19 próf eftir tilefnum sýnatöku. Fram kemur einnig hvernig prófið er pantað og hvernig niðurstöður berast.

Vinsamlega leitið svara hér áður en þið hringið eða sendið tölvupóst.

Opnunartími

Sýnataka fer fram á Suðurlandsbraut 34, 108 Reykjavík nema annað sé tekið fram.

  • Opnunartími PCR prófa (einkenni, sóttkví, seinni sýnataka eftir 5 daga sóttkví og ferðalög erlendis) er kl. 8:00 - 12:00 og 12:45 - 16:00 alla virka daga og kl. 9:00 - 15:00 um helgar.
  • Opnunartími hraðprófa (Antigen – ferðalög erlendis, heimkoma, smitgát og viðburðarsýnataka) er kl. 8:00 - 12:00 og 12:45 - 20:00 alla virka daga og kl. 9:00 - 15:00 um helgar. 

Einkennasýnataka

  • Eingöngu PCR próf. 
  • Prófið er pantað á mínum síðum á heilsuvera.is með rafrænum skilríkum. 
  • Ef ekki rafræn skilríki: hafa samband við netspjall Heilsuveru eða koma á Suðurlandsbraut 34 og fá aðstoð við skráningu.
  • Mikilvægt er að fólk með einkenni haldi sig í einangrun þar til niðurstöður berast.
  • SMS berst þegar niðurstaða liggur fyrir og hægt er að sjá niðurstöðu á mínum síðum á heilsuvera.is. Skráning inn á mínar síður með rafrænum skilríkum. Ef þau eru ekki fyrir hendi þá hafa samband við netspjall Heilsuveru.

Sóttkvíarsýnataka

  • Eingöngu PCR próf.
  • Rakningateymið metur hvort að viðkomandi sé kominn í sóttkví.
  • Þegar sóttkví líkur mun rakningateymið senda strikamerki fyrir sýnatökunni, í síðasta lagi kvöldið áður en sóttkví líkur. 
  • Ef einkenni koma fram á sóttkvíartíma þarf að panta einkennasýnatöku á mínum síðum Heilsuveru og fara rakleiðis í sýnatöku. 
  • Ef engin einkenni á sóttkvíartíma er ekki þörf á að panta sýnatöku á mínum síðum Heilsuveru.

Smitgát

  • Rakningateymi ákveður hvort að einstaklingur sem hefur umgengist smitaðan einstakling fari í sóttkví eða smitgát. Þeir sem hafa verið í takmarkaðri umgengni við hinn smitaða er heimilað að sæta smitgátar í stað sóttkvíar.
  • Eingöngu er tekið hraðpróf (Antigen) í smitgát nema ef viðkomandi er kominn með einkenni þá bókar hann sig í PCR próf (sjá einkennasýnataka hér að ofan).
  • Sá sem settur er í smitgát af rakningateymi skal fara í hraðpróf á fyrsta degi og síðan aftur á fjórða degi. 
  • Þegar neikvæð niðurstaða úr seinna hraðprófinu liggur fyrir er smitgát einstaklings aflétt. Viðkomandi fær sms um að smitgát sé aflétt.
  • Sá aðili sem þarf að sæta smitgát skráir sig á smitgat.covid.is. Foreldrar skrá barnið sitt sem fer í smitgát en ekki sjálft sig, þó svo að foreldri sé með barni í smitgát. Eftir skráningu fær viðkomandi sent strikamerki og upplýsingar um sýnatökustað.
  • Ef niðurstaða úr hraðprófi er jákvæð þarf viðkomandi að fara í PCR próf og í einangrun.
  • Þegar jákvæð niðurstaða liggur fyrir fær viðkomandi PCR strikamerki sent til sín.

Ferðalög erlendis

  • Bókun sýnatöku fyrir ferðalög erlendis fer fram á travel.covid.is.
  • Hægt er að velja um PCR sýnatöku eða hraðpróf (Antigen). Gæta þarf að því hvaða kröfur um sýnatökur landið sem ferðast til gerir (PCR eða Antigen).
  • Greiða þarf fyrir þessar sýnatökur. PCR 7.000 krónur en hraðpróf 4.000 krónur. Innifalið er sýnataka og vottorð.
  • Eftir að neikvæð niðurstaða hefur fengist fær viðkomandi tölvupóst með vottorðið í viðhengi.

Viðburðir – 500 og fleiri

  • Þau sem áætla að sækja stærri viðburði sem gera ráð fyrir 500 manns eða fleiri eiga að skila vottorði um neikvætt hraðpróf (Antigen próf) áður en farið er á viðburðinn.
  • Þau sem eru fædd 2006 og síðar þurfa ekki að fara í sýnatöku fyrir stærri viðburði.
  • Neikvæð niðurstaða má ekki vera eldri en 48 klst.
  • Þau sem eru með rafræn skilríki skrá sig í hraðpróf á mínum síðum Heilsuveru. 
  • Þau sem eru ekki með rafræn skilríki skrá sig á vefsíðunni hradprof.covid.is.
  • Vottorð um neikvæða niðurstöðu er sent til viðkomandi  í tölvupósti. 
  • Ef niðurstaða úr hraðprófi er jákvæð þarf viðkomandi að fara í PCR próf og einangrun. Strikamerki fyrir PCR prófið verður sent um leið og jákvæð niðurstaða liggur fyrir.

 

Ferðamenn/íbúar sem koma erlendis frá

  • Öll þau sem koma erlendis frá til Íslands þurfa að forskrá sig á heimkoma.covid.is eða visit.covid.is.
  • Þau sem eru búsett á Íslandi eða hafa tengslanet hér á landi (t.d. vinna á Íslandi, heimsækja vini eða ættingja) þurfa að að fara í sýnatöku innan við 48 klst. frá komuna til landsins.
  • Hægt er að fara strax í PCR sýnatöku á Keflavíkurflugvelli við komuna eða í hraðpróf á Suðurlandsbraut 34.
  • Niðurstaða úr sýnatöku er send með tölvupósti.

Ef þú ert með einhverjar spurningar eftir að hafa lesið þetta yfirlit vandlega er hægt að fá aðstoð í netspjalli á heilsuvera.is.

 

Hvar erum við?

Heilsugæslan Salahverfi
Salavegi 2 - 201 Kópavogi
Sími
590 3900
Almennur opnunartími frá 08 - 17