Opnunartími frá 08 - 17


Vinsamlegast kynnið ykkur nýjustu fréttir vegna COVID-19 veirunnar – fréttirnar eru uppfærðar reglulega. Fara á vef Landlæknisembættisins
 

Fimmtudaginn 19. ágúst verður boðið upp á örvunarskammt með mRNA bóluefni fyrir fólk sem fætt er 1931 eða fyrr. Bólusett er í Laugardalshöll.

Flestir á þessum aldri fengu fyrri bólusetningu í janúar eða febrúar og seinni bólusetningu um miðjan febrúar. Um sex mánuðir þurfa að hafa liðið frá seinni skammti af bóluefni.

SMS boð verða ekki send út. Fólk sem er fætt fyrri hluta árs, janúar til júní, er beðið um að koma milli kl. 10:00 og 11:00. Fólk sem er fætt seinni hluta árs, júlí til desember, er beðið um að koma milli kl. 11:00 og 12:00.

Við minnum á grímuskyldu. Bólusett er í axlarvöðva og í almennu rými. Gott er að vera í stuttermabol innst klæða.  Allir þurfa að bíða í um 15 mínútur eftir að bólusetning er gefin.

Í viku 33 er stefnt á að bólusetja eftirfarandi hópa: 

  • Endurbólusetning hjá þeim sem fengu fyrri skammt af Pfizer í júlí.
  • Örvunarskammtur fyrir þau sem hafa fengið Jansen bólusetningu fyrir a.m.k. 28 dögum. Þau sem eru með mótefni eftir covid-19 sýkingu og hafa fengið Jansen örvunarskammt þurfa ekki að mæta í annan pfizer örvunarskammt.

Það verða send út boð fyrir þessa hópa, fólk er vinsamlegast beðið um að mæta á þeim tíma sem boðið segir til um. 

Bólusett verður í höllinni á þessum tímum:

  • Mánudaginn 16.ágúst frá klukkan 10-15
  • Þriðjudaginn 17.ágúst frá klukkan 10-15
  • Miðvikudaginn 18.ágúst frá klukkan 10-15
  • Fimmtudaginn 19.ágúst frá klukkan 10-15
Fólk sem er óbólusett er velkomið að koma í bólusetningu meðan opið er.

 

Fyrirkomulag á bólusetningastað 

Allir eru beðnir um að mæta með skilríki og við minnum á að grímuskylda er á bólusetningastað. Bólusett er í axlarvöðva og í almennu rými. Gott er að vera í stuttermabol innst klæða.  Allir þurfa að bíða í um 15 mínútur eftir að bólusetning er gefin.

Spurningar  

Ef þú ert með spurningar varðandi fyrirkomulag bendum við á Algengar spurningar um fyrirkomulag bólusetninga

Ef þú hefur spurningar varðandi bólusetningar og heilsufar bendum við á netspjallið á heilsuvera.is.    

Við bendum líka á ítarlegar upplýsingar varðandi bólusetningar, bóluefnin og aukaverkanir á covid.is/bolusetningar

Hafi fólk bráðaofnæmi við stungulyfjum, eða af óþekktum toga, er ekki ráðlegt að bólusetja það.

Sjá enska dagskrá hér/See english schedule here: Vaccination of children ages 12-15

Sjá pólska dagskrá hér/see polish here: Szczepienie przeciw COVID-19 dla uczniów klas 7–10.

Nú í ágúst verður boðið upp á bólusetningu gegn COVID-19 fyrir börn á aldrinum 12-15 ára. Forráðamaður sem óskar eftir bólusetningu fyrir barn sitt þarf að fylgja barni í bólusetninguna eða senda staðgengil 18 ára eða eldri með umboð. Börnum í 7. bekk sem verða 12 ára eftir 1. september býðst bólusetning síðar í haust. Á höfuðborgarsvæðinu verður bólusett í Laugardalshöll og forráðamenn beðnir að koma með börn sín samkvæmt eftirfarandi skipulagi: 

 

 Mánudagur 23.ágúst  Þriðjudagur 24.ágúst
2006 árgangur  2008 árgangur
 Klukkan:  Börn fædd í:  Klukkan:  Börn fædd í:
 10:00  Janúar  10:00  Janúar
 10:10  Febrúar  10:10  Febrúar
 10:20  Mars  10:20  Mars
 10:30  Apríl  10:30  Apríl
 10:40  Maí  10:40  Maí
 10:50  Júní  10:50  Júní
 11:00  Júlí  11:00  Júlí
 11:10  Ágúst  11:10  Ágúst
 11:20  September  11.20  September
 11:30  Október  11:30  Október
 11:40  Nóvember  11.40  Nóvember
 11:50  Desember  11:50  Desember

 

 2007 árgangur

 

2009 árgangur

 Klukkan:  Börn fædd í:    Klukkan:  Börn fædd í:
 12:40  Janúar  12:40  Janúar
 12:50  Febrúar  12:50  Febrúar
 13:00  Mars  13:00  Mars
 13:10  Apríl  13:10  Apríl
 13:20  Maí  13:20  Maí
 13:30  Júní  13:30  Júní
 13:40  Júlí  13:40  Júlí
 13:50  Ágúst  13:50 frá 1.-24.ágúst
 14:00  September    
 14:10  Október    
 14:20  Nóvember    
 14:30  Desember    

Bóluefnið sem verður notað er frá Pfizer/BioNTech og er það bóluefni sem fyrst fékk markaðsleyfi, bæði fyrir fullorðna og síðar fyrir börn á þessum aldri. Það er komin töluverð reynsla á notkun þess fyrir þennan aldurshóp erlendis og hefur gengið mjög vel.

Eins og við aðrar bólusetningar eru algengustu aukaverkanir óþægindi þar sem stungan var gerð og slappleiki/þreyta, hiti og verkir (höfuðverkur eða vöðva- og liðverkir) fyrsta sólarhringinn eftir bólusetninguna, stundum í nokkra daga. Það má nota parasetamól eða íbúprófen í skömmtum skv. fylgiseðli við þessum aukaverkunum. Það eru líka til sjaldgæfar aukaverkanir þar sem kemur fram bólga í gollurshúsi (poki utan um hjartað) eða í hjartavöðvanum sjálfum, 2-3 vikum eftir bólusetninguna, oftast eftir seinni skammt og algengara hjá piltum en stúlkum. Þótt þessar aukaverkanir geti verið óþægilegar og jafnvel uggvekjandi, þá jafnar ástandið sig oftast með hvíld og bólgueyðandi verkjalyfjum. Ef barn fær brjóstverk, talar um skrítinn hjartslátt eða virðist andstutt í hvíld eftir bólusetninguna þarf að leita til læknis.

Það er verið að skoða hvort breytingar á tíðahring, bæði litlar eða miklar blæðingar, hafi tengsl við bólusetningu með þessu bóluefni. Stúlkur á aldrinum 12-15 ára hafa sumar þegar byrjað á blæðingum en aðrar ekki. Það er ekki víst að allar stúlkur á þessum aldri átti sig á því ef breytingar verða þar sem blæðingar eru yfirleitt óreglulegar fyrsta árið eftir að þær hefjast. Eins finnst þeim mörgum óþægilegt að ræða um slíkt og láta ekki endilega vita ef eitthvað er öðruvísi en áður. Það er því mikilvægt að þær fái upplýsingar um að það sé rétt að ræða þetta og hafi tækifæri til að gera það, ef ekki heima þá mögulega við skólahjúkrunarfræðing eða annan heilbrigðisstarfsmann.

 

Í ljósi aukinna smita í mörgum löndum heims er nú öllum íbúum Íslands ráðlagt að ferðast ekki að nauðsynjalausu til skilgreindra áhættusvæða , sem í dag eru öll lönd og svæði heims nema Grænland. Reglulega er endurmetið hvort lönd falli undir áhættusvæði en sóttvarnalæknir telur ekki tímabært að breyta áhættusvæðum eins og er. Stór hluti annarra þjóða er enn óbólusettur og mikið um smit meðal óbólusettra en bólusettir einstaklingar smitast líka og geta smitað aðra, þótt bólusetning verji einstaklinginn gegn alvarlegum sjúkdómi.

Þeir sem þurfa að ferðast erlendis eru beðnir að sýna varúð og sinna persónulegum sóttvörnum á ferðalaginu og erlendis, þ.m.t. tíðum handþvotti, forðast mannþröng og nánd við ótengda aðila og nota andlitsgrímur. Allir eru hvattir til að fara í sýnatöku sem fyrst ef einkenna verður vart. Einkennalausir ferðamenn eru einnig hvattir til að fara í sýnatöku við heimkomu til Íslands, þó þeir séu bólusettir, sem hægt er að panta á heilsuvera.is  (undir COVID-19, bóka einkennasýnatöku: Velja Keflavík-airport sem staðsetningu og tilefni skv. tilmælum sóttvarnalæknis. Einnig hægt að velja staðsetningu á Suðurlandsbraut eða utan höfuðborgarsvæðis og gera sem fyrst eftir komuna).

Ferðamenn þurfa að huga að því að raskanir geti orðið á flugi og breytingar á reglum í öðrum löndum með litlum fyrirvara sem geta valdið erfiðleikum á að komast heim. Þá liggur skýrt fyrir að þeir sem eru jákvæðir á COVID-19 prófi eiga ekki að ferðast með smitandi sjúkdóm og þeir geta því ekki farið í áætlunarflug eða skip. Þessir einstaklingar verða einnig að fylgja fyrirmælum í viðkomandi landi.

Sjá nánar um skilgreind svæði með smitáhættu og reglur um för yfir landamæri .

[English ]

 

Hvar erum við?

Heilsugæslan Salahverfi
Salavegi 2 - 201 Kópavogi
Sími
590 3900
Almennur opnunartími frá 08 - 17